Bisa nkaho tumeyereye ko abakobwa beza babona abakunzi hakiri kare kandi bagashakwa byihuse, hari bamwe muri bo usanga badakurura abahungu, ku buryo babarambagiza.

Igishobora gutera impamvu nyamukuru yo gutinda gushakwa, byagaragaye ko imyitwarire ariyo ntandaro yo gutuma umukobwa atinda iwabo, umuntu aba asabwa kwitwararika kuko ubwiza bugaragara inyuma atari bwo bugenderwaho gusa mu kurambagiza.

Urubuga elcrema rugaragaza impamvu ushobora kuba uri umukobwa mwiza ariko ukabura umusore ukureba n’irihumye cyangwa ukaba uri umuhungu mwiza ariko abakobwa bagahora bakubenga.

Reka twibande ku mpamvu zituma umukobwa adakundwa n’abasore kandi afite uburanga.

1. Kutagira ikinyabupfura

Iyo uri umukobwa w’umunyagasuzuguro, utukana kandi utubaha, nta musore n’umwe ushobora kukwisukira n’iyo waba uri mwiza gute.

Burya ngo ubwiza bw’inyuma buba bugomba kujyana n’imico myiza yawe ya buri munsi.

2. Umubeshyi

Umukobwa w’indyarya, w’umubeshyi ahora agaragara nk’aho ari mubi imbere y’abasore nubwo yaba ari mwiza ku isura.

Mukobwa ntuzibeshye ko ubwiza bwawe buzatuma abasore bakwisanzuraho igihe cyose ubeshya cyangwa uri indyarya.

3. Umukobwa uhora aganya

Uburyo umuntu yitwara, aganira arikumwe n’abandi bituma bamukunda cyangwa bakamwanga.

Kuba uri umukobwa ugahora ubona ibintu mu buryo bubi, uganya bizatuma nta musore ukwishimira. Ukwiye kubona ibintu mu buryo bwiza kandi ukanezererwa ibyo ufite.

4. Guhora uvuga ibibazo byawe

Iyo uhora uvuga ibibazo byawe cyangwa ibitagenda mu buzima bwawe utera abantu kutakwishimira.

Iyo uri umukobwa ugahora muri ibyo, utuma ntawe ubona ibyiza byawe bityo no kwita ku bwiza bwawe bikabura.

Young beautiful business woman  with speech bubble thinking about something. Girl with glasses the European type on background of pop art style

5. Umukobwa ushaka ko ibintu bigenda uko ushaka

Ntushobora gukundwa n’abasore igihe buri gihe iyo muri kumwe uba ushaka ko ibintu bigenda uko ubyifuza.

Ntugomba kuba ari wowe wiharira ijambo, ngo utegeke uko ibintu bigenda, icyo gihe umusore ahita akureka kuko abona ko urimo kumuhindura inganzwa.

6. Kuba uri umukobwa ugira ubugugu

Nta mugabo wishimira umukobwa ugira ubugugu, umukobwa wikunda kuko ashobora guteza umutekano muke mu muryango.Iyo umusore yamaze kubona ko ari iyo mico yawe akugendera buhoro akakureka.

Nubwo atari ibi byavuzwe muri iyi nkuru atari byo byagenderwaho gusa bishobora gutuma umukobwa abura umugabo cyangwa nta kundwe n’abasore, ni byiza ko umukobwa wese cyangwa umusore yabyirinda kuko bimugiraho ingaruka.

Pop art surprised pretty girl in green dress with eyeglasses on yellow comic background vector illustration

LEAVE A REPLY

Please enter your comment!
Please enter your name here