Perezida Kagame yageze mu Mujyi wa mu Bufaransa, aho u Rwanda rwiyunze ku bindi bihugu bitari ibinyamuryango bya G7 birimo Australia, Burkina Faso, Chile, Misiri, u Buhinde, Senegal na Afurika y’Epfo byatumiwe muri iyi nama.

Umukuru w’Igihugu yageze mu Bufaransa kuri iki Cyumweru, biteganyijwe ko mu masaha ya nyuma ya saa sita aza kwitabira inama ya G7 ivuga ku bufatanye na Afurika.

Mu biza kuganirwaho muri iyi nama harimo n’ibibazo bijyanye n’umutekano w’Akarere ka Sahel mu Majyaruguru ya Afurika. Haraganirwa kandi ku gushakira amafaranga gahunda zitandukanye zirimo kwihangira imirimo kw’abagore muri Afurika n’ibindi.

President Kagame has arrived in Biarritz,France where Rwanda joins Australia,Burkina Faso,Chile,Egypt, India,Senegal&South Africa as the 8 non member states taking part in this year’s G7 summit.President Kagame will be attending the G7 & Africa partnership meeting this afternoon pic.twitter.com/tdeEzmLPh5

— Presidency | Rwanda (@UrugwiroVillage) August 25, 2019

By’umwihariko, inama ya G7 izibanda ku kurwanya ubusumbane, iterambere ry’uburinganire bw’abagabo n’abagore, gushakira amikoro gahunda zo kubungabunga ibidukikije, umutekano, ikoranabuhanga n’ibindi.

G7 igizwe n’ibihugu birindwi birimo Canada, u Bufaransa, u Budage, u Butaliyani, u Buyapani, u Bwongereza na Leta Zunze Ubumwe za Amerika.

Inama y’uyu mwaka yatangiye ku wa 24 Kanama izasozwa tariki 26 Kanama 2019.

Biteganyijwe ko kandi Perezida Kagame aza kugirana ibiganiro na Perezida Macron w’u Bufaransa. Ni mu gihe umubano w’ibihugu byombi utangiye kuzanzamuka.

U Rwanda ruherutse gushyiraho Ambasaderi mushya uruhagararira mu Bufaransa ari we François-Xavier Ngarambe wasimbuye Jacques Kabale wari umazeyo imyaka icumi.

Ubwanditsi

LEAVE A REPLY

Please enter your comment!
Please enter your name here