Rayon Sports yirukanye rutahizamu wabo bari bamaranye imyaka 2 Michael Sarpong nyuma yuko atukiye Perezida wiyo kipe kuri Radio imwe yo mu Rwanda.

Rayon Sports yirukanye Sarpong ku gicamunsi cyo kuri uyu wa kane nyuma yuko mu gitondo hari hagaragaye ibaruwa yandikiwe uwo musore bamusaba gutanga ubosobanuro ku magambo yavuze kuri Sadate Perezida wa Rayon ubwo yavugaga ko nta bwenge afite kandi ko adakwiye kuyobora Rayon Sports nk’ikipe y’ubukombe bwiyo kipe.

Ibyo Sarpong yabivuze nyuma yo kutishimira icyemezo kiyo kipe yari yafashe cyo guhagarika amasezerano y’abakinnyi,abatoza,abakozi bose muri rusange kubera icyorezo cya Covid-19.

Rayon Sports nyuma yo kwirukana Sarpong bahise banamwishyuza amafaranga angana n’amadorari 612$ mu manyarwanda angana (575,000) bamugurije ubwo yari agiye gushaka ikipe muri Norvège.

Tubibutseko Sarpongo yaje muri Rayon Sports avuye iwabo muri Ghana mw’ikipe ya Dreams Fc mu mwaka wa 2018 aho mu mwaka we wa mbere yatsinzemo ibitego 16 ndetse afasha iyo kipe kwegukana igikombe cya Shampiyona y’u Rwanda 2018-2019.


LEAVE A REPLY

Please enter your comment!
Please enter your name here