Ikipe ya Arsenal nyuma yo gutangaza ko yasinyishije Thomas partey gusa ntiyerekanwe byarangiye yerekanwe na nimero azajya yambara mu mugongo.


Thomas Tete Partey niyo mazina yiswe n’ababyeyi be,uyu musore ukomoka mu gihugu cya Ghana kurubu afite imyaka 27 y’amavuko akaba apima ibiro 78 n’uburebure bwa metero 1.78 ubu yamaze kuba umukinnyi wa Arsenal byemewe n’amategeko.

Thomas partey mu mwambaro wa Arsenal.


Thomas Partey yavutse taliki ya 13 kamena 1993 mu gihugu cya Ghana ahitwa Odumase krobo akaba yarakuriye mw’ishuri ry’igisha umupira ryaho aho yavuye ajya muri Atretico Madrid muri 2012 akiri muto arinaho urugendo rwo kuba uwo ariwe ubu bisa nkaho byatangiriye kuko nubwo yaje muri Atretico icyo gihe ntiyahise abona umwanya gukina.


Muri 2013-2014 uyu musore yatijwe mw’ikipe ya Mallorca aho yayikiniye imikino 37 anayitsindira ibitego 5 gusa ahandi yatijwe ni mw’ikipe ya Almeria ahakina imikino 31 n’ibitego 4 gusa mu mwaka wakurikiyeho wa 2015 agaruka mw’ikipe ye ya Atretico Madrid yavuyemo mu minsi ishize amaze kuyikinira imikino 132 atsindamo ibitego 14 mbere yuko aza muri Arsenal.

Thomas partey aje gukemura ikibazo cyo hagati mu kibuga.


Partey mw’ikipe y’igihugu ya Ghana yajyanye nayo mu bikombe by’afurika 2 akaba yaranaje mw’ikipe y’umwaka muri afurika muri 2018 arinako muri 2019 aba umukinnyi mwiza wumunya Ghana.

Partey mu mwambaro wa visit Rwanda.


Ikipe ya Arsenal yabonye Thomas Partey imukuye muri Atretico kuri million 50 aricyo giciro ikipe ye ya Atretico yari yarashyizeho ko umumuntu umushaka ariyo yatanga arinabyo byatumye igenda ry’uyu musore ribanza kudidindira kubera Arsenal yifuzaga gutanga amafaranga make kuyo yasabwaga gusa Ku munsi wanyuma w’isoko ry’igura n’igurisha Ku mugabane w’iburayi nibwo byarangiye bumvikanye impande zombi.

LEAVE A REPLY

Please enter your comment!
Please enter your name here