Ikipe y’Amagaju yatangaje ko abakinnyi bayo 11 banduye icyorezo cya corona virus bikaba byateje ikibazo kuko yari ifite imikino yo gushaka itike yo kujya mu kiciro cya mbere.


Amagaju ikipe yo mu kiciro cya kabiri ibarizwa mu karere ka Nyamagabe yatangaje ko abakinnyi bayo basanzwemo icyorezo cya corona virus bivuze ko itagikinnye imikino yari iteganijwe guhera taliki ya 13 kuko itegeko rya ferwafa yasohoye rivuga ko ikipe irengeje abakinnyi 9 banduye covid-19 itemerewe kwitabira irushanwa.

Abakinnyi 11 b’Amagaju banduye covid-19.


Aba bakinnyi b’Amagaju bari mu Bantu 12 basanzwemo iki cyorezo mu karere ka Nyamagabe Ku munsi w’ejo mu mibare isanzwe itangwa na minisiteri y’ubuzima buri munsi kuva iki cyorezo cyagera mu Rwanda mu kwezi kwa werurwe.


Amagaju yasanzwe yaribasiwe na covid-19 nyamara ku munsi wejo ferwafa yari yatanze amabwiriza azagenderwaho mu gukina imikino yo gukuranamo(knockout) izatanga itike yo gukina ikiciro cya mbere umwaka utaha w’imikino harimo n’ingingo ivuga ko ikipe irengeje abakinnyi 9 banduye corona itemerewe gukina binavuze itariki yo gukina nigera batarakira ikipe itazakina.

LEAVE A REPLY

Please enter your comment!
Please enter your name here