Minisiteri ya siporo mu Rwanda yafashe icyemezo cyo gusubika shampiyona y’umupira w’amaguru yari imaze iminsi itatu gusa ikinwa.


Mw’itangazo rigenewe abanyamakuru minisiteri ya siporo mu Rwanda yafashe icyemezo cyo guhagarika imikino ya shampiyona ndetse n’imyitozo yose kubera ko ingamba zashyizweho zo kwirinda no kurwanya corona zitari kubahirizwa.

Itangazo rya minisiteri ya siporo risubika shampiyona.


Minisiteri ya siporo ivuga ko yahagaritse shampiyona kubera ikibazo cy’amakipe atari kubahiriza ibisabwa rimwe na rimwe abakinnyi bagasohoka aho bacumbitse abandi bagasurwa n’abavuye hanze kandi bitemewe byanatumye amakipe amwe n’amwe agaragaramo icyorezo bitewe n’uburangare bwayo mu gukurikiza amabwiriza yashyizweho mu kwirinda no kurwanya corona virus.


Imikino ya shampiyona y’umupira w’amaguru yari imaze iminsi itatu gusa itangiye aho zimwe mw’ikipe zari zimaze gukina imikino yazo yose nubwo hari abandi bari bamaze gukina umunsi umwe nka Apr na As Kigali zari ziri mu marushanwa mpuzamahanga ndetse n’izindi zasubikiwe imikino kubera ko bamwe mu bakinnyi bagaragayemo icyorezo cya covid-19.

LEAVE A REPLY

Please enter your comment!
Please enter your name here