Urukingo rwa Corona virus umwaka utaha rwemejwe

twitter sharing button
whatsapp sharing button
sharethis sharing button

Sanofi ikigo giherereye mu Bufaransa gikora imiti, cyatangaje ko mu cya kabiri cya mbere cy’umwaka wa 2021 kizaba cyamaze kwemererwa gushyira hanze urukingo rwa covid-19 cyakoze gifatanyine na GlaxoSmithKline Plc, ikigo cyo giherereye mu Bwongereza.

Kuri uyu munsi ntabwo hari urukingo rwakoreshwa ngo hirindwe covid-19, ubu imaze kwandurwa n’ abantu barenga miliyoni 9 ku Isi. Igikora, ni imiti isanzwe ivura izindi ndwara, igenda yifashishwa ngo barebe ko bafasha abarwayi bageze ahabi.

Kuba nta rukingo, byatumye ibigo byinshi ku isi bizwiho kuba bikora imiti kuba byayoboka inzira yo gushakashaka, ndetse no kuvumbura urukingo—cyangwa se umuti—rwafasha Isi guhangana na covid-19.

Ikigo cya Sanofi kizera ko kibaza cyamaze kwemererwa gushyira hanze urukingo rwa covid-19 mu mwaka wa 2021, gitangaza ko n’ ubwo hari ibindi bigo ndetse byanahawe inkunga nyinshi, ko bidafite amahirwe angana n’ay’iki kigo.

Umuyobozi w’iki kigo Paul Hudson, avuga ko kuba hari ibigo bindi byanatangiye gukora ku rukingo mbere, bikaba binakorera ku muvuduko ukomeye, ko umuvuduko ntacyo umaze. Mu kugaragaza igituma bihuta, yerekana ko ibyo bigo bindi ahanini bishingira ku bushakashatsi/inyigo zisanzwe zarakozwe, nk’iza SARS.

Bwana Hudson, yemeza ko amahirwe yo gutsinda—gutanga urukingo bwa mbere—afitwe cyane na Sanofi kurusha abandi abo ari bo bose. Iki kigo (Sanofi), cyemeza ko gifite ubushobozi bwo kuba cyakora imiti ingana na Miliyali imwe buri mwaka. 

Magingo aya, miliyoni 9.1 z’ abantu bamaze kwandura covid-19, mu gihe abagera kuri 474,502 bo bamaze kwitaba Imana, naho miliyoni 4.9 basezerewe mu bitaro

____________________

Written by Nelson Mucyo

LEAVE A REPLY

Please enter your comment!
Please enter your name here